أخبار عاجلة
الرئيسية / سلايد شو / الفستان الممزوع … يوسف غيشان

الفستان الممزوع … يوسف غيشان

المكان: مطار عربي

الزمان: نهار او ليلا ..(لا فرق).

الشخوص: اب – ابنه – كومبارس او ناس يتحركون ذهابا وإيابا في قاعة الانتظار.
الأبن يدخل الى قاعة القادمين في المطار

الأبن ينتظر والده ويحوم حول الحاجز، بينما يخرج الناس ، يلمح والده فيقبل عليه بعد ان يخرج من الحاجز ويعانقة :

الولد:
– هلا يابه …شرفت ونورت..

الوالد:
– هلا يا بنيي الله يرضى عليك..شو بشوفك جاي لحالك وين امك وين اختك وين أخوك؟

الولد(محتارا كيف يبدأ ) يفرك يديه ويفكر ثم يقول:

– ولا اشي …صارت شغلة بسيطة .

الأب:
– شو صار ….احكي ذبحتني ….

الإبن:
– لا يا با مافيه اشي بس فستان اختي الجديد اتمزع….

الأب(مرتاحا):
– الله ايسامحك ..خضيت بدني ع فستان ؟؟؟….المهم اختك.

الابن:
– اختي ماتت…

الأب:
شووووووووووووووووووووووووو ماتت كيف …؟؟؟؟؟؟؟؟؟؟؟؟؟؟

الأبن :
– كانت اختي لابسة الفستان ونطت من البلكون ع الشارع ..كانت سيارة مارقة مزعت الفستان ودعستها.

الأب:
– وليش اختك نطّت من البلكون. يعني انتحرت؟؟

الابن:
– لا يابا لا ايروح تفكيرك بعيد..كانت هاربة من النار .

الأب:
– ايا نار …..؟؟؟؟؟

الإبن:
– مهوه بيتنا احترق.

الأب:
– شو بتقول بيتنا احترق….. كيف؟؟؟

الابن:
– اخوي كان مولع سيجارة وسهي ونام ..ولع البيت.

الأب:
– أخوك بدخن كمان؟؟؟؟

الابن:
– معليش يابا ماهو المرحوم كان زعلان عشان أمي….

الأب:
– مالها أمك …شو صار فيها؟؟؟
الابن:
– ماتت يا با ….الله يرحمها….

الأب يصاب بحالة من الذهول .. ويبدأ يحسب بيديه ويقول :
– فستان ممزع بلكون ….حريقة …دخان…إبني مرتي ..مرتي …………………اولادي ….
(يبدو كأنه اصيب بجلطة ويقع)

الابن:
– يابا ..يا به لا تقتل حالك عشان فستان ممزع ..الله لا يرده الفستان .بنشتري غيره ..يابا ..يابا.

(بتصرف عن طرفة وصلتني بالانترنت)

شركة جت

عن haremna

شاهد أيضاً

الإفتاء الأردنية: من تسبب بالعدوى لغيره متهاوناً فمات فهو قاتل وعليه الدية

قالت دائرة الإفتاء العام، إن من يتهاون في الحجر الصحي، ويخالط الآخرين، مع علمه أنه …