على فضاوتك … كتب/عماد عودات

هرمنا – انت مشغول. وغيرك كمان مشغول. مش بس انت اللي فاضي. غيرك ماكل هوى وغرقان لشوشته. لا تفكر انت الوحيد بالكون. في غيرك ناس. كل الناس عندها مشاغل الها اول مالها تالي. انت انسان منظم. غيرك ممكن ما يكون منظم. غيرك ممكن يكون مشتت الذهن والبال. ممكن يكون عنده بالبيت التزامات. غيرك ممكن يكون غرقان. افهم غيرك. حس بيه. احكي معه. خفف عنه. تحكيش معه بنص الليل او تيجيه فجأة بدون ترتيب مواعيد وتحكيش معه وتشتت عليه الا اذا كان فاضي ومتفضيلك. ممكن يكون مشغول ومضغوط. ممكن يكون مشغول بمتابعة الفضائيات اللي بتعرض عدادات عن الكورونا. وبتابع اخبار مين انصاب ومين طاب ومين مات. هاي العدادات مش كويسة. خوفت الناس. لانه كل لحظة بتطلعوا قدام عيونا بالشاشات تحكولنا عن مين عاش ومين ما عاش. طب يا حكومة اذا انتي مليحة وبتحبي الناس وقعديتهم ببيوتهم اعطيهم مصاري تساعدهم بادارة شؤون الاطفال اللي قعدتيهم بالبيوت. بس احنا مش خايفين. لانه في كل بيت أم معدلة وحجة بركة بتعرف تدير شؤون كل البيت. او اب حكيم بعرف يتعامل مع شؤون اهل بيته. وعارف مسؤوليات كل واحد وواجباته. يا حكومة الناس راح تختنق ويجيها ضيق تنفس و ارتفاعات حرارية وزوابع. وتفكيرات. يا حكومة قومي بدورك واصخي شوي وافتحي الحياة. رجعي الناس للطبيعة. لا تفرضي عليهم اساور الكترونية تقيدهم. لا تقيديناش باساور وكمامات. خلي الناس على طبيعتها. رب العباد خلقهم طبيعين. ولازم ما تضلي تخوفيهم يا حكومة. وتطلعيليهم كل لحظة ع الفضائيات. سمعيهم بدل اخبار الكورونا اصوات عصافير. يا حكومة بدال ما تورجينا طاقم الحكومة تبعك ليل نهار. يسمعونا ارقام. حطي النا صوت عصافير. او صوت شلالات نازلة او صوت المعدلات اللي بتحكيلنا قصص عن الحياة. وكيف ندير شؤون الحياة. وكيف كنا زمان ما نخاف. وليش نخاف من اشي غير موجود. اه. الكورونا مش موجودة غير عندكوا. بمحطاتكوا انتوا. حطولنا صوت عصافير. انخنقنا. بدنا نهرب من سواليفكوا. وتحليلاتكوا. احنا بنحبكوا وراح نسمعلكوا بس ما راح نستعمل الكمامات الا لما نروح نشتري دفاتر تنظم اوقاتنا لانكوا شتتونا باخبار وهمية مش موجودة غير عندكوا.