د. عزالدين القراله – الكورونا والكادر الطبي ..

الدكتور عز الدين القراله –

(واحد كاتب …ما بتجينا المصائب الا من الكادر الطبي … دكتور الرمثا و ممرضة البشير و عريس اربد الصيدلاني و ابو العروس صيدلاني ..) …. العريس شو دخل اهله و مهنته اذا نسيبه اجا من اسبانيا و ما ظهرت عليه الأعراض الا بعد اسبوعين و العرس كان قبل الحظر …. (و نسينا الي ما التزموا بالحظر و انعزلوا تماما بعدين ) …و الممرضة الي انعدت من مريض و مات ابوها و جدتها من ورا المريض الي عداها …. و الدكتور الي عدا بس أهله و ضل ملتزم ببيته لغاية ما طلبته المستشفى …. طيب باقي ال 300 … الي اجو من برا … اه هدول ملائكة لأنهم مش من القطاع الطبي …. و لا شو حاب كمان تقول عنهم ؟ مش بكفي أنه انصابوا و عندهم الشجاعة يتلقوا العلاج و يعزلوا حالهم … الي كتب هالكلام بدال ما تنظّر حضرتك …تفضل هز طولك و ورجينا شجاعتك و انت لابس ملابس العزل و ساكن مع المرضى شهر كامل بتعالجهم و بتخالطهم و تحطهم على جهاز تنفس … و مش قادر تشوف ولادك …و لا قادر حتى تروح على بيتك … و بس تروح بدك تضل محجور كمان شهر بعيد عنهم عشان ما تكون حامل العدوى و تضر عيلتك … تفضل هز طولك بضل ما تنظر و تستهزئ بالي قاعدين بحاربوا وباء عشان تضل انت بخير و كل الي طالبينه منك تضل قاعد ببيتك … ما كنت حاب احكي لكن كثرة الاستهزاءات و التنمر و التنظير بتخلي الواحد يفكر الف مرة لما يسمع و يشوف هالحكي … الي بحكي هالكلام يستاهل تضحي عشانه ؟؟! تفضل حضرتك شوف مين اكتر ضحايا الوباء في العالم ؟؟ الكادر الي قاعد بحارب و حضرتك مش قادر تقعد بدون ما تنظر عليهم …. و هدول بحاربوا عشان هذا واجبهم و هاي حربهم … بحاربوا عشان وطن و عشان ضميرهم يكون مرتاح ……. على كل ,سيأتي اليوم الذي نرمي فيه الكمامات ..القفازات ..ونغلق وحدات العزل للأبد .. وسيجف الدمع ونبني تماثيل للأطباء و قواتنا الأمنية الشجعان … #انداري #ازمتنا_ازمة_اخلاق #كورونا #اقعد_بالبيت_بدون_تنظير