موقع هرمنا الالكتروني
اسعد البعجات
قامت امانة عمان بتزويد باصات عمان الجديدة بخدمة لذوي الاحتياجات الخاصة واعفاءهم من أجرة بالباص وتم تصوير فيديو يُظهر هذه الخدمة وظهر وقتها امين عمان وكأنه يعني حرر فلسطين
ورجع الأندلس .
في المقابل أنهت امانة عمان تجهيز نفق الجامعة الاردنية …. نفق جميل ….
المشكلة الفنية ان امانة عمان نست تجهز النفق الجديد بخدمة لذوي الاحتياجات الخاصة ….
يعني طالب ذوي الاحتياجات الخاصة لما ينزل من باص عمان المجهز بخدمتهم ما رح يقدر يقطع على السايد الثاني لدخول الجامعة لحضور محاضرته !!!!
شوف شغله بسيطة زي هيك…. باصات ملايين الدنانير …. نفق ملايين الدنانير …. ومع ذلك لم يُصمم بالشكل الصح ولم يفي بالغرض الا اذا امانة عمان عامله مسح ميداني ومتأكدة انه ما رح يقطع على السايد الثاني.
الي جاي من الشمال والسلط وصويلح رح يعلق اما الي جاي من عمان رح يروح يحضر المحاضرة بس رح يعلق في الترويحة وما رح يقدر يقطع على السايد الثاني ….
وقس على ذلك العمل الحالي في مشروع الباص الصريع القادم !!!!
